গীত ৩২
তরে আর মুই ন চাহ্ঙ
ন চাহ্ঙ তর কোচপানা
নিধুর মনর নিধুর লাঙর
মিঝে ছলনা।
তুই এধক নিধুর অহ্বে
যুনি খবর পেধুং
সালেন মুই তর আহ্দত
আহ্ত ন রাঘেদুঙ
খবর পেধুঙ যুনি তুই
অহ্বে বেজোবান
কনদিন ন দিধুঙ তরে এ
মনান।
কি জালা মুই পেলুঙ
কি দুঘোত পরিলুঙ
তরে কোচপেনেই।
মরে পদত ফেলেবে
যুনি খবর পেধুঙ
কোচপানার মেয়ে কধা
তরে ন সুনেদুঙ।
দুরোত যেবে ভালুদ্দুরোত
যুনি খবর পেধুঙ
তরে লোনেই রাঙা সবন
মুই ন দেঘিধুঙ।
বেককিঝু আহ্রেলুঙ
খালি আহ্দে মুই অহ্লুঙ
তরে কোচপেনেই।
ভাছু ২০০৫
==============
No comments:
Post a Comment