28 April 2016

𑄇𑄮𑄌𑄴𑄛𑄚𑄢𑄴 𑄝𑄨𑄏𑄪 𑄜𑄪𑄣𑄴 (১২২)

𑄷𑄸/𑄶𑄺/’𑄷𑄼, 𑄟𑄧𑄁𑄉𑄧𑄣𑄴𑄝𑄢𑄴

𑄜𑄪𑄣𑄴 𑄝𑄨𑄏𑄪𑄟𑄠𑄴 𑄜𑄪𑄣𑄴 𑄚𑄧 𑄞𑄬𑄎𑄟𑄴 𑄬𑄃𑄌𑄴𑄳𑄡 𑄟𑄪𑄭 𑄉𑄋𑄧𑄖𑄴

𑄘𑄧𑄣 𑄘𑄧𑄣 𑄜𑄪𑄣𑄴 𑄞𑄎𑄧𑄘𑄧𑄚𑄴 𑄈𑄪𑄏𑄨 𑄞𑄧𑄢𑄧𑄚𑄴 𑄟𑄧𑄚𑄧𑄖𑄴

𑄞𑄧𑄁𑄛𑄘𑄬𑄢 𑄞𑄎𑄧𑄘𑄧𑄚𑄴 𑄇𑄮𑄌𑄴𑄛𑄚𑄢𑄴 𑄝𑄨𑄏𑄪 𑄜𑄪𑄣𑄴

𑄏𑄧𑄣𑄧𑄛𑄧𑄣𑄧𑄠𑄴 𑄬𑄛𑄣𑄁𑄝𑄢𑄴 𑄟𑄧𑄚𑄴𑄉𑄋𑄚𑄧𑄢𑄴 𑄘𑄨 𑄇𑄪𑄣𑄴𑅁

𑄇𑄨 𑄃𑄳𑄦𑄎𑄨 𑄌𑄮𑄊𑄮𑄖𑄴 𑄟𑄪𑄃𑄮𑄖𑄴 𑄝𑄨𑄏𑄪 𑄉𑄞𑄪𑄢𑄴 𑄟𑄖𑄴𑄧𑄬𑄣

𑄇𑄧𑄚𑄴𑄚 𑄬𑄃𑄬𑄚𑄭 𑄛𑄧𑄣𑄴𑄬𑄣𑄭 𑄗𑄠𑄨 𑄬𑄃 𑄟𑄧𑄚𑄚𑄧𑄢𑄴 𑄃𑄚𑄴𑄘𑄧𑄬𑄣,

𑄛𑄧𑄖𑄴𑄳𑄡𑄢𑄎𑄨 𑄢𑄘𑄢𑄴 𑄓𑄬𑄉 𑄬𑄛𑄭𑄇𑄴 𑄎𑄉𑄨𑄝𑄢𑄴 𑄃𑄬𑄉 𑄃𑄬𑄉

𑄊𑄪𑄟𑄴 𑄬𑄣𑄎𑄖𑄴𑄪𑄚𑄴 𑄎𑄬𑄉𑄭 𑄖𑄪𑄣𑄨 𑄇𑄧𑄚𑄴𑄚 𑄟𑄧𑄬𑄢 𑄓𑄬𑄉𑅁

𑄘𑄨 𑄃𑄳𑄦𑄖𑄴 𑄝𑄬𑄞𑄭 𑄜𑄪𑄣𑄴𑄉𑄧𑄎𑄧𑄬𑄢 𑄇𑄮𑄌𑄴𑄛𑄚 𑄬𑄖 𑄟𑄧𑄬𑄢 𑄎𑄬𑄎

𑄈𑄣𑄴𑄳𑄡 𑄝𑄪𑄉𑄮𑄖𑄴 𑄞𑄧𑄢𑄧𑄚𑄴𑄞𑄨𑄢𑄮𑄚𑄴 𑄜𑄪𑄬𑄣 𑄢𑄧𑄬𑄋 𑄘𑄨 𑄡𑄠𑄴 𑄥𑄬𑄎,

𑄇𑄧𑄚𑄴𑄚 𑄟𑄧𑄬𑄢 𑄝𑄧𑄣𑄚𑄴𑄳𑄡 𑄬𑄘 𑄝𑄨𑄏𑄪 𑄬𑄟𑄣𑄖𑄴 𑄬𑄡𑄝𑄢𑄴

𑄛𑄪𑄢𑄮𑄚𑄨 𑄇𑄧𑄙 𑄃𑄳𑄦𑄨𑄘𑄮𑄖𑄴 𑄖𑄪𑄣𑄨 𑄬𑄃𑄉𑄧𑄎 𑄃𑄪𑄎𑄪𑄣𑄢𑄴𑅁𑅁

10 August 2015

এ মনত কদ সবন *বি.বি চাঙমা মেয়েরেগা (১২১)

গীত-২৩

এ মনত কদ সবন
রঙে রঙে নানা রঙ্
চুবে চুবে ভিদিরে
গরে তে কদ’ ঢং।
ও ও ও পরানী
এ মনান তরে চায়
ও ও ও নাগরী
এ মনান তরে চায়।

চোঘে চোঘে কয়োঙ্ তরে
কোচপাঙ মুই তরে,
ন বুঝোচ্ তুই মন’ কধা’নি
ও পরানী...
নদিচ্ ফেলেই মরে চোঘ’ পানি।

নোনেয় গরিহ্ কঙর তরে
একবার কহ্’না কোচপাঙ্ তরে,
ত কোচপানান গদা ঢালিদে মরে
ও পরানী...
আহ্’ঝি খুঝিলোই দে মন ভরি।

                                       ২০০৬

জিংকানি পধ আহ্’দি *বি.বি চাঙমা মেয়েরেগা (১২০)

গীত-২২

জিংকানি পধ আহ্’দি অহ্’লুঙ্ আধামরা
রাঙা সবনানি বেক অহ্’ল’ পগরা
যে আঝা এল’ মর ওহ্’য়ে নিরাঝা
কোচপানা কন্ পাগে দিল’ কি দঝা।

মর আগাঝত আর ন উদিবো জুন
ঝিমিত ঝিমিত ন জলিবাক ঐ তারাউন,
আন্ধার রেদে যেব’ কাদি জনমান
থেব’ বানা খানক্খন সাঝন্যে পহ্’রান।

মর বাগানত আর ন ফুদিবো ফুল
কোচপানা গাঙানর ভাঙি যেইয়্যে কুল,
ন এভ’ আর মিধে আহ্’বা এ জিবনত
পরি থেব’ ঝরাফুল দাঙাপাদারত।

                                 ২০০৫

বৈজেগী ঝর’ রেদোতে *বি.বি চাঙমা মেয়েরেগা (১১৯)

গীত-২১

বৈজেগী ঝর’ রেদোতে
আহ্‌ঝি যাস যুনি ম কায়ত্থুন,
তুঅ তুই ফুরি ন ফেলেস
কোচপানা দিজনর।

যেক্কে আগাঝর তারাউন
ঝলিবাক মিত মিত গরিহ্’নেয়,
সেক্কে মুই কবিতে লেঘঙ
তর কধা ভাবিনেয়।
আয় আয় আয়....
তুই আয় দেঘা দেঘি
আয় আয় আয়...
তুই আয় কোচপানাবি।

যেক্কে আগাঝর চানানে
ভরি উদিবো পহ্’র্ গরিহ্,
সেক্কে মর মনানে তরে
ডাগে কোজোলি গরিহ্।
আয় আয় আয়....
তুই আয় দেঘা দেঘি
আয় আয় আয়...
তুই আয় কোচপানাবি।

                                    ২০০৫

দুঘোর জিংকানিয়ান মর *বি.বি চাঙমা মেয়েরেগা (১১৮)

গীত-২০

দুঘোর জিংকানিয়ান মর
কাদি যার এঙিরি
সুঘোর দেঘা দ মুই
কিচ্ছু ন পেলুঙ্,
কুধু এলুঙ্ কুধু আঘঙ্
ভাবিনে কুল ন পেলুঙ্।

কদ’ মানুজ এ পিত্থিমিত
এত্থন যাদন বেরাদন,
ম ধক্যেন কবাল বজং
আর কাররে ন দেঘঙ্।
বেগে আঘন যা সুঘে তে
বেগে আঘন যা গমে তে
বানা মুই আঘঙ্ দুঘোত পরি।

কদ’ মানুজ এ পিত্থিমিত
সুঘোর আঝালোই আঘন
ম ধক্যেন দুকখ্যে মানেয়
আর কাররে ন দেঘঙ্।
বেগর আঘে যা আঝা তার
বেগর আঘে যা কধা তার
কন’ আঝা নেই মর দুক ছারি। 

                                              ২০০৫


05 August 2015

বৈজেগ মাস্স্যে দেবাবো *বি.বি চাঙমা মেয়েরেগা (১১৭)

গীত-১৯

বৈজেগ মাস্স্যে দেবাবো
গুজুরে বানা গুজুরে,
ঝর দিবো নাহি তে
হালা গস্স্যে পুগে উত্তোরে।(২)

মর এ মনান অক্তে অক্তে
তা ধগে গুজুরে,
ঝর দি যায় অলর গরি
এই বুগো ভিদিরে।
সে ঝরানে বেক হিযু মর
নেযায় হুদু ভাঝে,
এ জিংহানির সুঘ হারি নি
গরে তে মে দাংদাঙ্যে।।(২)
ভাঝি যেনেই বেক সুঘকানি মর
দুঘকানি রই এক বুক। (ঐ)

আর ন এযোক দেবা হালা
মর এ জিবনত,
মুই ন চাং আর ভাঝি যেবার
অগুর ঝর' বানত।
ফুদি উদোক রাঙা বেল'পহ্‌’র্

মর এ জিবনত,
যোক হাদি যোক হালা মেগ চাগা
যেদক আঃগে এ মনত।। (২)
বেল'ছদগে মর এ মনান
দোলে ফুদি উদোক। (ঐ)
----------------------

                                   ২০০৫

04 August 2015

উরি যেদ’ চায় *বি.বি চাঙমা মেয়েরেগা (১১৬)

গীত-১৮
 
উরি যেদ’ চায় মর এ মনান
তরে ল’নেয় ভালুদ্দুরোত
কন’ এক অজানা দেঝত-
যে দেঝত সুক আঘে,
যে দেঝত শান্দি আঘে
দোয়ে মেয়ে ভরি আঘে মানসোর মনত।

পর’ দুঘে ওহ্‌য় পর’ সুঘে সুঘি
কোচপানা মেয়ে’নি আঘে যিধু মিঝি,
যেয় আমি যেয় সিধু বানা দি’জনে
কোচপানা সুঘো দিনুন দোলে রাঙেলে।

কোগিলোর মিধে র, খেংগ্রঙ’ সুর
জধা ওহ্‌য়ে মানেয়লগর যুনি দেঘি কুর,
এভং আর’ ফিরি এভং আমি এ দেঝত
নুঅ দিনোর নুঅ সবন এলে বিজগত।
==০০==
                                          ২০০৫