বৈজেগি দেবাবো *বি.বি চাঙমা মেয়েরেগা(১৩৯)

গীত ৪০

বৈজেগি দেবাবো যেক্খে গুজুরে

পরানিরে ঈধোত উধি মর চিতপুরে,

ঝিমিলেনি রাঙা অহ্‌ব যেক্খে আগাঝত

কদ কধা উধে পরে মর এ মনত।

ঝর যেক্খে দি যেব সিলে বোয়েরে

চোঘোত ভাঝে চিঝির কধা যেনি কোয়ে মরে

বঝি এলঙ গাঝসাবাত মোন ঘরত

মেয়েলি কধা সুনে দ তে পরি ম কঅরত।

ইক্খে পরানি নেই নেয়ার ম কাই

কধা দিনেই আহ্‌দত ধরি কধা ন রাঘাই।

মিধে আহ্‌জি আহ্‌জিদো তে কধা মনত পলে

সেই নিজেনি ঈধোত উধি এঝ বুক জলে

সেদিন্যে জ্যেতমাস যেনেই নো জুমোত

ফেলে যাযি নেই কোয়ে আবুজি ম বুগোত।

ইক্খে পরানি নেই নেয়ার ম কাই

কধা দিনেই আহ্‌দত ধরি কধা ন রাঘাই।

                     ভাছু ২০০৫

=========