ঝারবো ফুল *বি.বি চাঙমা মেয়েরেগা (৭২)

০১/০৭/২০১৩, সোমবার

মুই ঝার’ ফুল,
ঝারত ফুদোং ঝারত ঝরং।
যুনিও মুই ঝারর দোল, ঝারর সাজন
কির্বে ধঘে ঊম গরং,
এলাফেলায় ঝরং মুই অনালে পাধারে
নানু ছারা গরিনে।

মরে কিয়োই চেইয়ে নেই
ধরিয়ে নেই তুলিয়ে নেই
আল্যেঙে যত্তন গরিয়ে নেই।
মুই নানুমরা খুত্যে টেঙেরা
দুনিয়ের এলাফেলা,
মর গধন দোল রং তুম্বাচ চোনা আরাঙ।
তুও দ’ মর গা’ক নেই
আদর মেয়ে নেই
চুমিয়ে নেই রাঘেয়ে নেই।

মর জাগা মর নেই
মরে ফেলেই মরে ধাবেই
ম আজায় জাগা অহ্ই কন্ ফুলোর!
বিলেদি ডাঙর কন জাদর।
জাগা জুরে গদা মর
কুবে শিঙর পাগোর,
মর বদল অহ্ই বেক
বদলে জাত, জাগা ঘরপাদা

মুই ওহ্ই পাং পরঙ বর পরঙ
অপধে অঘাদে অহ্য় মর মরন।
---০০০--