বুদ্ধো তবনা *বি.বি চাঙমা মেয়েরেগা(১৮৩)

 বুদ্ধো তবনা (২৫৬০ বুদ্ধোবঝর)

২১।০৫।২০১৬, বুদ্ধো পুন্নিমা, সোনিবার বেল্যে ৬:৩০বো বাজি

ঈংজেয় উলমত্তো পিত্থিমি নিত্তো নিধুর কোল

লুভ কুজোগে বেরাকরা মানেয় অহ্য়োন ওল,

নুঅ গরি তুই জনম লঘি পরানবলায় ডাগদন

মানসুদোমে কোচপানালৈ ভরেই দেঘি মন,

মৈত্রী কধা নুঅ গরিনেয় সুনেই দেঘি বেগরে

এ পিত্থিমি তিপতিপ্পে ওক আর্যধনে ঝালাব্বরে।

এ পিত্থিমির মানেয়ুনোর জাঙারে ধজ্যে চিত

জিদি লইয়ে অবাং পধে এহ্'মানর ঈধ্,

মরা কেয়্যে পরি আঘে বানা ছলঙান

তুই এনেয় নুঅ গরি জ্যে তুল্লি পরানান,

ভুবর বুক আঙি যার মিঝে দাঙা আঘুনে

তুই এনেয় মারেই দেঘি সত্য ঈন ঢালিনে।

আয় আয় ও গোঝেন বুদ্ধো ধর্মরাজ

থুম নেইয়ে পুন্য আন পিত্থিমি পোক সাজ,

মুক্ত তুই লক্খি তুই দোয়ের সাগর

ঘুব আন্ধারত ডুবপ্যে জগদ্ তুই উদ্ধোর গর।

(কবি গুরু রবিন্দ্রনাদর 'বুদ্ধ জন্মোত্‍সব' ল্যেহ্ক আহ্দেই)

------------