কোচপানার বিঝুফুল *বি.বি চাঙমা মেয়েরেগা(১৮৫)

 কোচপানার বিঝু ফুল

১২/০৪/১৬, মঙ্গলবার

ফুল বিঝুমায় ফুল ন ভাজেম এচ্যে মুই গাঙত

দলা দলা ফুল ভাজদন খুঝি ভরন মনত

ভংপাদারে ভাজদন কোচপানার বিঝু ফুল

ঝলপলই পেলাংবার মনগাঙানর দি কুল।

কি আহ্জি চোঘোত মূওত বিঝু গাভুর মাত্তলে

কন্না এনেয় পল্লেয় থায়ি এ মনানর আন্দলে,

পত্যেরাজি রাদার ডাগে পেইক জাগিবার আগে আগে

ঘুম লেজাত্তুন জাগেই তুলি কন্না মরে ডাগে।

দিআহ্ত বাভেই ফুলগজরে কোচপানা তে মরে জাজে

খাল্যে বুগোত ভরভিরোন ফুলে রঙে দি যায় সাজে,

কন্না মরে বলান্যে দে বিঝু মেলাত যেবার

পুরোনী কধা ঈদোত তুলি এগজা উজুলার।

----------