গীত ৪৩
কোচপেয়ে সদর নেই কিয়োজন
এহ্লাফেলায় কাদি যার
মর এ জিবন।
মর এ মনান তগাই কারে
কার মিঝে মেয়েত বাঝি
আঘে
কন সে নিধুর মনা
মরে দে দুক যন্ত্রনা।
জনম লনা এয় দুনিয়েত
খাক্খন্যে জিংকানিলোই
মনভাঙা আহ্ভিলেচ থায়
নিজেনি
জনম সমারি ওহ্য়।
নাঙ ধরিনেই কোচপানা
মন উঙুদোই দুক বানা
দেরদেস্যা চোঘোপানি
অহ্য় পত্যানা।
অবাং দুনিয়ে ভরি যেয়্যে
ঠগা ফাগারা মিঝে আঝালোই
ঘুর বেপাগত পরি জিবনান
সদ্মরা ওহ্য় আঘে কেয়্যে
ছলঙান।
কদ ধারোজে এ পিত্থিমিত
বেন্যে সবন দেঘানা
নিধুর আহ্ওজে দাঙা
আগুনোত উমোর গঙানা।
ভাছু ২০০৬
===========
No comments:
Post a Comment