গীত ৫১
ন পাআরঙ ধরি রাঘেই তরে
এই মর কোচপানা দিনেইও
ন পাআরঙ বানি রাঘেই
তরে
এই মর জিবনর বেককিঝু
দিনেইও।
দি যেয়োচ যাদে কি উপহার
সিয়েনে মরে অন্সুর জালার
সে জালার আগুনোত পরি
পরানান ছতফদার।
কদ দিন কদ রেইত
তোগেয়োঙ মুই তরে
তুই মরে রাগ জলি
তুই মরে ভুল বুঝি
কুধু পোলেলে।
আয় ফিরি আয় পরানি
গরঙর তরে কোজোলি
তর চরনত পরিনেই মুই
গরঙর কোজোলি।
ভাবি চেজ কোচপানান
ভাবিচেজ তুই মরে
এ কালর জিবনত ন পেলেয়ো
ও কালর জিবনত প্যেম
তরে।
আয় ফিরি আয় পরানি
গরঙর তরে কোজোলি
তর চরনত পরিনেই মুই
গরঙর কোজোলি।
ভাছ ২০০৬
========== 
No comments:
Post a Comment