অঝার এ পধমায় *বি.বি চাঙমা মেয়েরেগা(১৫৯)

গীত ৬০

অঝার এ পধমায় ঠিয়েই আঘঙ এঝ গায়

বানা তর আঝায়।

তুই এভে ভিলিনেই এঝ আঘং ভাবিনেই

তুওদ তর দেঘা নেই।

সালেন কি তুই কধা দিনেই কধা লারেলে

বুক ভরা আঝা দিনেই পাঝা মারিলে।

এভে কোয়োচ তুই ন এলে পিঝে ফিরি ন চেলে

কন আঝায় বুক বানিদুঙ তরে মুই ন পেলে।

আয়না আয় তুই ফিরি আয়

দুঘোর সাগরত ভাজঙর গায়।

বেককিঝু কারিনেই ঢালি নিলে নিগিরেই

চুধো মরে গরিলে কিচ্ছু দ আর নেই।

পাদা ঝরা গাঝ সান ওহ্‌য়ে মর জিবনান

তুই এনেয় তাজা গরি দে গি মর পরানান।

আয়না আয় তুই ফিরি আয়

দুঘোর সাগরত ভাজঙর গায়।

                     ধবা ২০০৮

==================