উমোর বানোক কোচপানান *বি.বি চাঙমা মেয়েরেগা (৮৮)

২৫/০৩/২০১৫, বুধবার, ৮.৩৪ এ.এম

ভরন্দি আদামর রাদা ডাক
গোরু পালত মনাঝাক,
তিনশিরে আহ্দের তত্তরেই
তাঞ্জাঙঅ পানি পরের ঝরঝরেই,
সারাল্যে উরের আগাঝত
গাবুরি কুম্মলৈ যার কুও গাঙত,
দাঙা আগুনে ঝার পুরে
লাঙঅ আগুনে মন পুরে।
হরিঙ চরের রোঅ বনত
তুই আঘজ অনসুর ম মনত,
বারিঝে দেবা ঝর ফেলায়
পরান ছতপদায় তর জালায়,
মুরিচ পাগানাত জুরবো পেইক
তরে ভাবঙ্গে দিনে রেইত,
আগাঝত উদে সুবতারা
চিত ন জুরোয় তুই ছারা,
পেক্কো ছরাত কাঙারা
তবনা তরে পাঙ পারা।

চগদা ডগরের চেজেকচেক
ন যায় ছারি মর মনঅ সেহ্ক,
গরম খরানে সুগোই গাঙ
তরে আহ্‌রেম্বে পারাপাঙ,
ঘুত্যে মাধাত মারাঙা
ন গরিচ চিত্তি মন বেঙা,
চানঅ বেলর সত্যসান
উমোর বানোক কোচপানান।