নুঅ বঝরর তবনা *বি.বি চাঙমা মেয়েরেগা(১৭৪)

১১। নুঅ বঝরর তবনা

০১/০১/২০১৪, বুধবার ০৯.৪৬ এএম

নুঅ বঝরর নুঅ আঝা চিদত-মনত বানি থাঝা
যোক বিদি যোক গমেদালে কাদা যেনেই ফারাদঝা।
এ তবনা মন্-সুরুঙত সংজোগারর দেবা গুরঙত
ঈংযে-পিঝুম কাযর-বিযর গদা ধোই যোক মোত্রী ঝরত।
লো-রঘে রোমে রোমে, আহ্'রে আহ্'রে, কেঝে কেঝে
ছিদি পরোক জধা-কোচপানা, অরগন্দিয়ে আমা দেঝে।
সুঘোর বেলান পহ্'র ফুদিদোক, বোয়েরানে বে'যোক আহ্'ভা
তারুম ঝারে গাজে-বাঝে, আলা'য় বারো'ক কুঝি আগা।
ছরা-ছরি মুরোহ্-মুরিহ্ নালে-মোরে থলে-দাবে
খুলামেলাহ্ই উঝন-লামন, উদন-বঝন গরি বেগে
গঙেই যেদ' জনম-জিবন ভান্যেচিদে নেই গরি
নুঅ বঝরত এ তবনা গরং আহ্তজুর গরি।

=== === ==