02 August 2015

অহ্‌দুং যুনি *বি.বি চাঙমা মেয়েরেগা (৪২)



১৩/০৭/২০১৩ শনিবার .১০ পিএম

অহ্দুং যুনি দুর আগাজত পত্পত্যা রাঙাবেল
পহ্ গরিদুং পিত্থিমি মর ছদগে,
যুনি অহ্দুং পহ্ দেবাত ভরন পুনং জুন
মানসোর চিদ রিবেঙত জাগা জুগুলেদুং
অহ্দুং যুনি চেরোকিত্যের দেবংসী বোয়েরান
অহ্রান্যে মানেয়োরে জুরে দিদুং পাচপরান
যুনি অহ্দুং মুই কনঅ এক তুম্বাচ ফুল
গুণ সুধোমর তুম্বাজে মানেইকুল ভরেদুং

পারিদুং যুনি ওহ্ই খেলাং দয্যে সান
অজল নীযো অঝরেনেই গরিদুং বেক সমান
ঝরফুদো যুনি অহ্দুং বারিঝে খরানত
গাধেদুঙ বেগরে কোচপানার ঝরত
সাংসাঙ্যে সুদ্ধ অহ্দঅ এই মানেয়পুরী
কাজরবিজোর ধোই যেদঅ গদা পুজিসারি
যুনি পেদুং সংসারর বেক গুনোরা
সং ভাগ দি মানেয়োরে ধাবেদুং বজঙান,
লুগেদুং অনতিত্যে লুভ ঈংযে পিঝুম
দুনিয়ের যদ অসান্দি ওহ্ যেদ থুম
---০০০---

No comments:

Post a Comment