দুঘোর জিংকানিয়ান মর *বি.বি চাঙমা মেয়েরেগা (১১৮)

গীত-২০

দুঘোর জিংকানিয়ান মর
কাদি যার এঙিরি
সুঘোর দেঘা দ মুই
কিচ্ছু ন পেলুঙ্,
কুধু এলুঙ্ কুধু আঘঙ্
ভাবিনে কুল ন পেলুঙ্।

কদ’ মানুজ এ পিত্থিমিত
এত্থন যাদন বেরাদন,
ম ধক্যেন কবাল বজং
আর কাররে ন দেঘঙ্।
বেগে আঘন যা সুঘে তে
বেগে আঘন যা গমে তে
বানা মুই আঘঙ্ দুঘোত পরি।

কদ’ মানুজ এ পিত্থিমিত
সুঘোর আঝালোই আঘন
ম ধক্যেন দুকখ্যে মানেয়
আর কাররে ন দেঘঙ্।
বেগর আঘে যা আঝা তার
বেগর আঘে যা কধা তার
কন’ আঝা নেই মর দুক ছারি। 

                                              ২০০৫